បុរស កូនពីរជនជាតិអង់គ្លេស Daniel Kennedy ត្រូវគេបាញ់ប្រហារដោយកាំភ្លើងខ្លី ប៉ុន្តែសំណាងល្អលោកគ្មានគ្រោះថ្នាក់ដល់ជីវិតទេ ព្រោះមាន iPhone 5c ជួយការពារ។
បុរសវ័យ២៥ឆ្នាំ ត្រូវគេបាញ់នៅទីសាធារណៈ កាលពីថ្ងៃទី ១៥ ខែ កក្កដា ឆ្នាំ២០១៤ ក្នុងទីក្រុង Widnes ប្រទេសអង់គ្លេស បន្ទាប់ពីលោកបានឈ្លោះគ្នាជាមួយ ក្រុមក្មេងស្ទាវមួយក្រុម ដែលបានបិទទឹកប្រើប្រាស់ក្នុងស្រុក ជាការលេងបែបពញ្ញាក់អារម្មណ៍។
គ្រាប់កាំភ្លើងបានជាប់នឹង iPhone 5c ពណ៌បៃតងក្នុងហោប៉ៅ ដែលជួយឱ្យលោកមានពេលគ្រប់គ្រាន់ អាចទៅផ្ទះបាន ដើម្បីសុំជំនួយបន្ទាន់។
អ្នកស៊ើបអង្កេត Gary McIntyre មកពីស្ថានីយប៉ូលិសទីក្រុង Cheshire ថ្លែងថា៖ “សំណាងល្អមានទូរសព្ទជួយរងគ្រប់កាំភ្លើង បើគ្មានទូរសព្ទទេនោះ គាត់បែបមិនរស់ទេ”។
ក្នុងករណីនេះជនដៃដល់ Ryan Duggan វ័យ១៩ឆ្នាំ ត្រូវបានប៉ូលិសចាប់ខ្លួន និងរងចាំការកាត់ទោសជាថ្មី នៅថ្ងៃទី១០ ខែកក្កដា ឆ្នាំ២០១៥ខាងមុខ ពីបទប៉ងធ្វើឃាតចេតនា និងកាន់អាវុធបង្កគ្រោះថ្នាក់ដល់អ្នកដទៃ៕
ប្រែសម្រួល៖ ស្មាន ម៉ាត់លី
ប្រភព៖ ibtimes , New.sabay
No comments:
Post a Comment