Facebook Messenger ត្រូវ​បានអភិវឌ្ឍជា​ Messenger.com

Facebook បាន​ដាក់​កម្មវិធី Messenger របស់​ខ្លួន​ទៅ​ជា domain ​គេហទំព័រ​ថ្មី​មួយ គឺ Messenger.com ដែល​ជា​គេហទំព័រ​ថ្មី​សម្រាប់​លោកអ្នក​ដែល​ចង់​ត្រឹម​តែ​ ជជែក​កម្សាន្ត (chat) ជាដើម។ មិន​ខុស​គ្នា​ពី Messenger នៅ​ក្នុង​ទូរសព្ទ​ប៉ុន្មាន​ទេ Messenger មាន​មុខងារ​ និង User Interface ប្រហាក់​ប្រហែល​គ្នា ប៉ុន្តែ​វា​ជា​ចំណែក​មួយ​ជួយ​ដល់​លោកអ្នក​ដែល​ច្រើន​តែ​ធ្វើ​ការ​ជាមួយ​ កុំព្យូទ័រ។ ចង់​ដឹង​ថា Messenger.com មាន​អ្វី​ថ្មី​ប្លែក​ខ្លះ សូម​តាមដាន​ជាមួយ សំបុកអាយធី ដូច​តទៅ៖

Messenger Business

Messenger.com ត្រូវ​បាន​បង្កើត​ឡើង​ក្នុង​គោល​បំណង​ចម្បង​សម្រាប់​លោកអ្នក​ដែល​មាន​ភ្ជាប់ ​គម្រោង​ពាណិជ្ជកម្ម Messenger Business ​ដែល​លោកអ្នក​នឹង​អាច​ធ្វើ​ការ chat ដោយ​​ផ្ទាល់​ជាមួយ​អតិថិជន​របស់​លោកអ្នក​ ជាមួយ​នឹង​ព័ត៌មាន​អំពី​ផលិតផល​ផ្សេងៗ ចម្ងល់ ឬ​ក៏​ការ​ report problems ផ្សេងៗ​ជាដើម ។

ចែក​រំលែក​រូបភាព​មាន​ចលនា

FB Messenger នឹង​ចាប់​ដៃគ្នា​ជាមួយ​នឹង Giphy ដើម្បី​ឲ្យ​លោកអ្នក​អាច​ធ្វើ​ការ​​ចែក​រំលែក​រូបភាព​មាន​ចលនា GIFបាន ។​

Video-Call

លើស​​ពី voice-call, FB Messenger ត្រូវ​បាន​ដាក់​បន្ថែម​មុខងារ​ video-call ដែល​មាន​គុណ​ភាព​មិន​ចាញ់ Skype របស់ Microsoft នោះ​ឡើយ ។

Desktop Notification

លើស​ពី​នេះ លោកអ្នក​អាច​ចូល​ទៅ​កំណត់​បើក​មុខងារ ជូន​ដំណឹង (Notification) នៅ​ក្នុង​ settings ក៏​បាន​ ដែល​ជួយ​ប្រាប់​លោកអ្នក​នា​រាល់​ពេល​ដែល​លោកអ្នក​ទទួល​បាន​សារ​ថ្មី ឬ​ការ​ហៅ​ចូល​ជា​ដើម​នោះ ។

Stay Logged in

លោកអ្នក​អាច​ចូល​ទៅ​សាកល្បង​ប្រើប្រាស់​ Messenger.com ដោយ ​មិន​ចាំ​បាច់​ធ្វើ​ការ login ម្តង​ទៀត​ទេ ប្រសិន​បើ​លោកអ្នក​បាន​ធ្វើ​ការ​ login ទៅ​ក្នុង Facebook.com រួច​ហើយ​នោះ តែ​ប្រសិន​បើ​លោកអ្នក​តម្រូវឲ្យ​ធ្វើ​ការ​ login ម្តង​ទៀត​នោះ សូម​ធ្វើ​ការ refresh ពីរ​បី​ដង នោះ​វា​នឹង​ដំណើរ​ការ​បាន​ធម្មតា។

Standalone App for Mac

សម្រាប់​លោកអ្នក​ដែល​ប្រើប្រាស់ Mac លោកអ្នក​អាច​ទាញ​យក​កម្មវិធី​នេះ​ ដើម្បី​ប្រើប្រាស់​ជាលក្ខណៈ desktop client ប្រសិន​បើលោកអ្នក​មិន​ចង់​បើក browser ។

គម្រោង​បន្ទាប់​របស់​ក្រុមហ៊ុន​ Facebook នា​ពេល​ខាង​មុខ នឹង​មាន​ដូច​ជា៖

• Social networking
• Messaging your friends (Messenger, WhatsApp)
• Messaging businesses (Messenger)
• Advertising (Paid Ads, LiveRail, Pages)
• Paying your friends
• Buying and selling things online
• Virtual reality (Oculus)
• Gaming
• News
• Video/TV (Facebook Video)
• Development platform (Parse)
• How you actually receive the internet
• Photos (Instagram)

តើ​លោកអ្នក​យល់​យ៉ាង​ណា​ដែរ​ចំពោះ​ការ update នេះ? សូម​ដាក់​មតិ​របស់​លោកអ្នក​នៅ​ក្នុង​ប្រអប់​ខាង​ក្រោម។